مصحف الثريا

بِسْمِ ٱللَّهِ ٱلرَّحْمَٰنِ ٱلرَّحِيمِ وَٱلْعَٰدِيَٰتِ ضَبْحًۭا ۝١

قسم ہے اُن (گھوڑوں) کی جو پھنکارے مارتے ہوئے دوڑتے ہیں

فَٱلْمُورِيَٰتِ قَدْحًۭا ۝٢

پھر (اپنی ٹاپوں سے) چنگاریاں جھاڑتے ہیں

فَٱلْمُغِيرَٰتِ صُبْحًۭا ۝۳

پھر صبح سویرے چھاپہ مارتے ہیں

فَأَثَرْنَ بِهِۦ نَقْعًۭا ۝٤

پھر اس موقع پر گرد و غبار اڑاتے ہیں

فَوَسَطْنَ بِهِۦ جَمْعًا ۝٥

پھر اِسی حالت میں کسی مجمع کے اندر جا گھستے ہیں

إِنَّ ٱلْإِنسَٰنَ لِرَبِّهِۦ لَكَنُودٌۭ ۝٦

حقیقت یہ ہے کہ انسان اپنے رب کا بڑا ناشکرا ہے

وَإِنَّهُۥ عَلَىٰ ذَٰلِكَ لَشَهِيدٌۭ ۝۷

اور وہ خود اِس پر گواہ ہے

وَإِنَّهُۥ لِحُبِّ ٱلْخَيْرِ لَشَدِيدٌ ۝۸

اور وہ مال و دولت کی محبت میں بری طرح مبتلا ہے

۞ أَفَلَا يَعْلَمُ إِذَا بُعْثِرَ مَا فِى ٱلْقُبُورِ ۝۹

تو کیا وہ اُس حقیقت کو نہیں جانتا جب قبروں میں جو کچھ (مدفون) ہے اُسے نکال لیا جائے گا

وَحُصِّلَ مَا فِى ٱلصُّدُورِ ۝١۰

اور سینوں میں جو کچھ (مخفی) ہے اُسے برآمد کر کے اس کی جانچ پڑتال کی جائے گی؟

إِنَّ رَبَّهُم بِهِمْ يَوْمَئِذٍۢ لَّخَبِيرٌۢ ۝١١

یقیناً اُن کا رب اُس روز اُن سے خوب باخبر ہوگا