مصحف الثريا

بِّسْمِ ٱللَّهِ ٱلرَّحْمَٰنِ ٱلرَّحِيمِ وَٱلتِّينِ وَٱلزَّيْتُونِ ۝١

انجیر کی قَسم اور زیتون کی قَسم،

وَطُورِ سِينِينَ ۝٢

اور سینا کے (پہاڑ) طور کی قَسم،

وَهَٰذَا ٱلْبَلَدِ ٱلْأَمِينِ ۝۳

اور اس امن والے شہر (مکہ) کی قَسم،

لَقَدْ خَلَقْنَا ٱلْإِنسَٰنَ فِىٓ أَحْسَنِ تَقْوِيمٍۢ ۝٤

بیشک ہم نے انسان کو بہترین (اعتدال اور توازن والی) ساخت میں پیدا فرمایا ہے،

ثُمَّ رَدَدْنَٰهُ أَسْفَلَ سَٰفِلِينَ ۝٥

پھر ہم نے اسے پست سے پست تر حالت میں لوٹا دیا،

إِلَّا ٱلَّذِينَ ءَامَنُوا۟ وَعَمِلُوا۟ ٱلصَّٰلِحَٰتِ فَلَهُمْ أَجْرٌ غَيْرُ مَمْنُونٍۢ ۝٦

سوائے ان لوگوں کے جو ایمان لائے اور نیک عمل کرتے رہے تو ان کے لئے ختم نہ ہونے والا (دائمی) اجر ہے،

فَمَا يُكَذِّبُكَ بَعْدُ بِٱلدِّينِ ۝۷

پھر اس کے بعد کون ہے جو آپ کو دین (یا قیامت اور جزا و سزا) کے بارے میں جھٹلاتا ہے،

أَلَيْسَ ٱللَّهُ بِأَحْكَمِ ٱلْحَٰكِمِينَ ۝۸

کیا اﷲ سب حاکموں سے بڑا حاکم نہیں ہے،