مصحف الثريا

بِسْمِ ٱللَّهِ ٱلرَّحْمَٰنِ ٱلرَّحِيمِ سَبِّحِ ٱسْمَ رَبِّكَ ٱلْأَعْلَى ۝١

اپنے رب کے نام کی تسبیح کریں جو سب سے بلند ہے،

ٱلَّذِى خَلَقَ فَسَوَّىٰ ۝٢

جس نے (کائنات کی ہر چیز کو) پیدا کیا پھر اسے (جملہ تقاضوں کی تکمیل کے ساتھ) درست توازن دیا،

وَٱلَّذِى قَدَّرَ فَهَدَىٰ ۝۳

اور جس نے (ہر ہر چیز کے لئے) قانون مقرر کیا پھر (اسے اپنے اپنے نظام کے مطابق رہنے اور چلنے کا) راستہ بتایا،

وَٱلَّذِىٓ أَخْرَجَ ٱلْمَرْعَىٰ ۝٤

اور جس نے (زمین سے) چارہ نکالا،

فَجَعَلَهُۥ غُثَآءً أَحْوَىٰ ۝٥

پھر اسے سیاہی مائل خشک کردیا،

سَنُقْرِئُكَ فَلَا تَنسَىٰٓ ۝٦

(اے حبیبِ مکرّم!) ہم آپ کو خود (ایسا) پڑھائیں گے کہ آپ (کبھی) نہیں بھولیں گے،

إِلَّا مَا شَآءَ ٱللَّهُ ۚ إِنَّهُۥ يَعْلَمُ ٱلْجَهْرَ وَمَا يَخْفَىٰ ۝۷

مگر جو اﷲ چاہے، بیشک وہ جہر اور خفی (یعنی ظاہر و پوشیدہ اور بلند و آہستہ) سب باتوں کو جانتا ہے،

وَنُيَسِّرُكَ لِلْيُسْرَىٰ ۝۸

اور ہم آپ کو اس آسان (شریعت پر عمل پیرا ہونے) کے لئے (بھی) سہولت فراہم فرمائیں گے،

فَذَكِّرْ إِن نَّفَعَتِ ٱلذِّكْرَىٰ ۝۹

پس آپ نصیحت فرماتے رہیے بشرطیکہ نصیحت (سننے والوں کو) فائدہ دے،

سَيَذَّكَّرُ مَن يَخْشَىٰ ۝١۰

البتہ وہی نصیحت قبول کرے گا جو اﷲ سے ڈرتا ہوگا،

وَيَتَجَنَّبُهَا ٱلْأَشْقَى ۝١١

اور بدبخت اس (نصیحت) سے پہلو تہی کرے گا،

ٱلَّذِى يَصْلَى ٱلنَّارَ ٱلْكُبْرَىٰ ۝١٢

جو (قیامت کے دن) سب سے بڑی آگ میں داخل ہوگا،

ثُمَّ لَا يَمُوتُ فِيهَا وَلَا يَحْيَىٰ ۝١۳

پھر وہ اس میں نہ مرے گا اور نہ جیئے گا،

قَدْ أَفْلَحَ مَن تَزَكَّىٰ ۝١٤

بیشک وہی بامراد ہوا جو (نفس کی آفتوں اور گناہ کی آلودگیوں سے) پاک ہوگیا،

وَذَكَرَ ٱسْمَ رَبِّهِۦ فَصَلَّىٰ ۝١٥

اور وہ اپنے رب کے نام کا ذکر کرتا رہا اور (کثرت و پابندی سے) نماز پڑھتا رہا،

بَلْ تُؤْثِرُونَ ٱلْحَيَوٰةَ ٱلدُّنْيَا ۝١٦

بلکہ تم (اﷲ کی طرف رجوع کرنے کی بجائے) دنیاوی زندگی (کی لذتوں) کو اختیار کرتے ہو،

وَٱلْءَاخِرَةُ خَيْرٌۭ وَأَبْقَىٰٓ ۝١۷

حالانکہ آخرت (کی لذت و راحت) بہتر اور ہمیشہ باقی رہنے والی ہے،

إِنَّ هَٰذَا لَفِى ٱلصُّحُفِ ٱلْأُولَىٰ ۝١۸

بیشک یہ (تعلیم) اگلے صحیفوں میں (بھی مذکور) ہے،

صُحُفِ إِبْرَٰهِيمَ وَمُوسَىٰ ۝١۹

(جو) ابراہیم اور موسٰی (علیہما السلام) کے صحائف ہیں،