مصحف الثريا

بِسْمِ ٱللَّهِ ٱلرَّحْمَٰنِ ٱلرَّحِيمِ هَلْ أَتَىٰكَ حَدِيثُ ٱلْغَٰشِيَةِ ۝١

کیا تمہیں ڈھانپ لینے والی قیامت کی بات معلوم ہے

وُجُوهٌۭ يَوْمَئِذٍ خَٰشِعَةٌ ۝٢

اس دن بہت سے چہرے ذلیل اور رسوا ہوں گے

عَامِلَةٌۭ نَّاصِبَةٌۭ ۝۳

محنت کرنے والے تھکے ہوئے

تَصْلَىٰ نَارًا حَامِيَةًۭ ۝٤

دہکتی ہوئی آگ میں داخل ہوں گے

تُسْقَىٰ مِنْ عَيْنٍ ءَانِيَةٍۢ ۝٥

انہیں کھولتے ہوئے پانی کے چشمہ سے سیراب کیا جائے گا

لَّيْسَ لَهُمْ طَعَامٌ إِلَّا مِن ضَرِيعٍۢ ۝٦

ان کے لئے کوئی کھانا سوائے خادار جھاڑی کے نہ ہوگا

لَّا يُسْمِنُ وَلَا يُغْنِى مِن جُوعٍۢ ۝۷

جو نہ موٹائی پیدا کرسکے اور نہ بھوک کے کام آسکے

وُجُوهٌۭ يَوْمَئِذٍۢ نَّاعِمَةٌۭ ۝۸

اور کچھ چہرے تر و تازہ ہوں گے

لِّسَعْيِهَا رَاضِيَةٌۭ ۝۹

اپنی محنت و ریاضت سے خوش

فِى جَنَّةٍ عَالِيَةٍۢ ۝١۰

بلند ترین جنت میں

لَّا تَسْمَعُ فِيهَا لَٰغِيَةًۭ ۝١١

جہاں کوئی لغو آواز نہ سنائی دے

فِيهَا عَيْنٌۭ جَارِيَةٌۭ ۝١٢

وہاں چشمے جاری ہوں گے

فِيهَا سُرُرٌۭ مَّرْفُوعَةٌۭ ۝١۳

وہاں اونچے اونچے تخت ہوں گے

وَأَكْوَابٌۭ مَّوْضُوعَةٌۭ ۝١٤

اور اطراف میں رکھے ہوئے پیالے ہوں گے

وَنَمَارِقُ مَصْفُوفَةٌۭ ۝١٥

اور قطار سے لگے ہوئے گاؤ تکیے ہوں گے

وَزَرَابِىُّ مَبْثُوثَةٌ ۝١٦

اور بچھی ہوئی بہترین مسندیں ہوں گی

أَفَلَا يَنظُرُونَ إِلَى ٱلْإِبِلِ كَيْفَ خُلِقَتْ ۝١۷

کیا یہ لوگ اونٹ کی طرف نہیں دیکھتے ہیں کہ اسے کس طرح پیدا کیا گیا ہے

وَإِلَى ٱلسَّمَآءِ كَيْفَ رُفِعَتْ ۝١۸

اور آسمان کو کس طرح بلند کیا گیا ہے

وَإِلَى ٱلْجِبَالِ كَيْفَ نُصِبَتْ ۝١۹

اور پہاڑ کو کس طرح نصب کیا گیا ہے

وَإِلَى ٱلْأَرْضِ كَيْفَ سُطِحَتْ ۝٢۰

اور زمین کو کس طرح بچھایا گیا ہے

فَذَكِّرْ إِنَّمَآ أَنتَ مُذَكِّرٌۭ ۝٢١

لہذا تم نصیحت کرتے رہو کہ تم صرف نصیحت کرنے والے ہو

لَّسْتَ عَلَيْهِم بِمُصَيْطِرٍ ۝٢٢

تم ان پر مسلط اور ان کے ذمہ دار نہیں ہو

إِلَّا مَن تَوَلَّىٰ وَكَفَرَ ۝٢۳

مگر جو منھ پھیر لے اور کافر ہوجائے

فَيُعَذِّبُهُ ٱللَّهُ ٱلْعَذَابَ ٱلْأَكْبَرَ ۝٢٤

تو خدا اسے بہت بڑے عذاب میں مبتلا کرے گا

إِنَّ إِلَيْنَآ إِيَابَهُمْ ۝٢٥

پھر ہماری ہی طرف ان سب کی بازگشت ہے

ثُمَّ إِنَّ عَلَيْنَا حِسَابَهُم ۝٢٦

اور ہمارے ہی ذمہ ان سب کا حساب ہے