مصحف الثريا

بِسْمِ ٱللَّهِ ٱلرَّحْمَٰنِ ٱلرَّحِيمِ وَٱلْمُرْسَلَٰتِ عُرْفًۭا ۝١

چڱين گُھلندڙن ھيرُن جو قسم آھي.

فَٱلْعَٰصِفَٰتِ عَصْفًۭا ۝٢

پوءِ زور سان لڳڻ وارن وائن جو قسم آھي.

وَٱلنَّٰشِرَٰتِ نَشْرًۭا ۝۳

۽ (ڪڪرن کي) کڻندڙن پکيڙيندڙن وائن جو قسم آھي.

فَٱلْفَٰرِقَٰتِ فَرْقًۭا ۝٤

پوءِ (ڪڪرن کي) ھڪ ٻئي کان جدا ڪندڙ وائن جو قسم آھي.

فَٱلْمُلْقِيَٰتِ ذِكْرًا ۝٥

پوءِ وحي آڻيندڙن ملائڪن جو قسم آھي.

عُذْرًا أَوْ نُذْرًا ۝٦

(جي) عذر وڃائڻ لاءِ يا ڊيڄارڻ لاءِ (وحي) آڻيندا آھن.

إِنَّمَا تُوعَدُونَ لَوَٰقِعٌۭ ۝۷

ته بيشڪ جنھن (ڳالھ) جو اوھان کي انجام ڏجي ٿو سا ضرور ٿيڻي آھي.

فَإِذَا ٱلنُّجُومُ طُمِسَتْ ۝۸

پوءِ جڏھن تارا ميٽي ڇڏبا.

وَإِذَا ٱلسَّمَآءُ فُرِجَتْ ۝۹

۽ جڏھن آسمان چيربو.

وَإِذَا ٱلْجِبَالُ نُسِفَتْ ۝١۰

۽ جڏھن جبل اڏائبا.

وَإِذَا ٱلرُّسُلُ أُقِّتَتْ ۝١١

۽ جڏھن پيغمبر (ٺھرايل وقت تي) گڏ ڪبا.

لِأَىِّ يَوْمٍ أُجِّلَتْ ۝١٢

(تڏھن ثابت ٿيندو ته پيغمبرن کي) ڪھڙي ڏينھن لاءِ ترسايو ويو.

لِيَوْمِ ٱلْفَصْلِ ۝١۳

فيصلي جي ڏينھن لاءِ.

وَمَآ أَدْرَىٰكَ مَا يَوْمُ ٱلْفَصْلِ ۝١٤

۽ توکي ڪھڙي شيءَ ڄاڻايو ته فيصلو جو ڏينھن ڇا آھي.

وَيْلٌۭ يَوْمَئِذٍۢ لِّلْمُكَذِّبِينَ ۝١٥

اُن ڏينھن ڪوڙ ڀائيندڙن لاءِ خرابي آھي.

أَلَمْ نُهْلِكِ ٱلْأَوَّلِينَ ۝١٦

پھرين کي ھلاڪ نه ڪيو اٿون ڇا؟

ثُمَّ نُتْبِعُهُمُ ٱلْءَاخِرِينَ ۝١۷

وري (اُن کانپوءِ) پوين کي انھن جي پٺيان آڻيندا آھيون.

كَذَٰلِكَ نَفْعَلُ بِٱلْمُجْرِمِينَ ۝١۸

ائين ڏوھارين سان ڪندا آھيون.

وَيْلٌۭ يَوْمَئِذٍۢ لِّلْمُكَذِّبِينَ ۝١۹

اُن ڏينھن ڪوڙ ڀائيندڙن لاءِ خرابي آھي.

أَلَمْ نَخْلُقكُّم مِّن مَّآءٍۢ مَّهِينٍۢ ۝٢۰

اوھان کي خسيس پاڻي مان نه بڻايو اٿون ڇا؟

فَجَعَلْنَٰهُ فِى قَرَارٍۢ مَّكِينٍ ۝٢١

پوءِ اُن کي ھڪ پختي ھنڌ ۾ رکيوسون.

إِلَىٰ قَدَرٍۢ مَّعْلُومٍۢ ۝٢٢

ھڪ مُقرّر وقت تائين.

فَقَدَرْنَا فَنِعْمَ ٱلْقَٰدِرُونَ ۝٢۳

پوءِ (بڻاوت ۾) پورو ڪيوسون جو (اسين) چڱي سگھ وارا آھيون.

وَيْلٌۭ يَوْمَئِذٍۢ لِّلْمُكَذِّبِينَ ۝٢٤

اُن ڏينھن ڪوڙ ڀائيندڙن لاءِ خرابي آھي.

أَلَمْ نَجْعَلِ ٱلْأَرْضَ كِفَاتًا ۝٢٥

زمين کي ماپائڻ واري نه ڪئي اٿون ڇا؟

أَحْيَآءًۭ وَأَمْوَٰتًۭا ۝٢٦

(جو) جيئرن ۽ مُئن کي (ماپائي).

وَجَعَلْنَا فِيهَا رَوَٰسِىَ شَٰمِخَٰتٍۢ وَأَسْقَيْنَٰكُم مَّآءًۭ فُرَاتًۭا ۝٢۷

۽ زمين ۾ اُچا جبل ڪياسون ۽ اوھان کي مٺو پاڻي پياريوسون.

وَيْلٌۭ يَوْمَئِذٍۢ لِّلْمُكَذِّبِينَ ۝٢۸

اُن ڏينھن ڪوڙ ڀائيندڙن لاءِ خرابي آھي.

ٱنطَلِقُوٓا۟ إِلَىٰ مَا كُنتُم بِهِۦ تُكَذِّبُونَ ۝٢۹

(چيو ويندو ته ھاڻي) جنھن (دوزخ) کي اوھين ڪوڙ ڀائيندا ھوا تنھن ڏانھن وڃو.

ٱنطَلِقُوٓا۟ إِلَىٰ ظِلٍّۢ ذِى ثَلَٰثِ شُعَبٍۢ ۝۳۰

(چئبن ته) ٽن شاخن واريءَ ڇانوَ ڏانھن وڃو.

لَّا ظَلِيلٍۢ وَلَا يُغْنِى مِنَ ٱللَّهَبِ ۝۳١

نه ٿڌي ڇانوَ ھوندي ۽ نه (باھ جي) توَ کان توکي بچائيندي.

إِنَّهَا تَرْمِى بِشَرَرٍۢ كَٱلْقَصْرِ ۝۳٢

بيشڪ اُھا (باھ) ماڙيءَ جيڏيون چڻنگون اڇليندي آھي.

كَأَنَّهُۥ جِمَٰلَتٌۭ صُفْرٌۭ ۝۳۳

ڄڻ ته اُھي ھيڊا اُٺ آھن.

وَيْلٌۭ يَوْمَئِذٍۢ لِّلْمُكَذِّبِينَ ۝۳٤

اُن ڏينھن ڪوڙ ڀائيندڙن لاءِ خرابي آھي.

هَٰذَا يَوْمُ لَا يَنطِقُونَ ۝۳٥

اُھو ڏينھن اُھو آھي جنھن ۾ نه ڳالھائيندا.

وَلَا يُؤْذَنُ لَهُمْ فَيَعْتَذِرُونَ ۝۳٦

۽ نڪي کين موڪل ڏبي ته (ڪو) عذر (بيان) ڪن.

وَيْلٌۭ يَوْمَئِذٍۢ لِّلْمُكَذِّبِينَ ۝۳۷

اُن ڏينھن ڪوڙ ڀائيندڙن لاءِ خرابي آھي.

هَٰذَا يَوْمُ ٱلْفَصْلِ ۖ جَمَعْنَٰكُمْ وَٱلْأَوَّلِينَ ۝۳۸

ھيءُ فيصلي جو ڏينھن آھي، اوھان کي ۽ اڳين کي گڏ ڪيوسون.

فَإِن كَانَ لَكُمْ كَيْدٌۭ فَكِيدُونِ ۝۳۹

پوءِ جيڪڏھن اوھان کي بڇڙي رِٿ ڪرڻي آھي ته منھنجي حق ۾ رٿيو.

وَيْلٌۭ يَوْمَئِذٍۢ لِّلْمُكَذِّبِينَ ۝٤۰

اُن ڏينھن ڪوڙ ڀائيندڙن لاءِ خرابي آھي.

إِنَّ ٱلْمُتَّقِينَ فِى ظِلَٰلٍۢ وَعُيُونٍۢ ۝٤١

بيشڪ پرھيزگار ڇانوَن ۽ چشمن ۾ ھوندا.

وَفَوَٰكِهَ مِمَّا يَشْتَهُونَ ۝٤٢

۽ جنھن جنس مان گھرندا (تنھن جنس جي) ميون ۾ ھوندا.

كُلُوا۟ وَٱشْرَبُوا۟ هَنِيٓـًٔۢا بِمَا كُنتُمْ تَعْمَلُونَ ۝٤۳

(چئبن ته) چڱا ڪم ڪندا ھئو تنھنڪري خوش ٿي کائو ۽ پيئو.

إِنَّا كَذَٰلِكَ نَجْزِى ٱلْمُحْسِنِينَ ۝٤٤

بيشڪ اسين نيڪن کي ائين بدلو ڏيندا آھيون.

وَيْلٌۭ يَوْمَئِذٍۢ لِّلْمُكَذِّبِينَ ۝٤٥

اُن ڏينھن ڪوڙ ڀائيندڙن لاءِ خرابي آھي.

كُلُوا۟ وَتَمَتَّعُوا۟ قَلِيلًا إِنَّكُم مُّجْرِمُونَ ۝٤٦

(اي ڪوڙ ڀائيندڙؤ دنيا ۾) ٿوري دير کائي وٺو ۽ آسودا رھو بيشڪ اوھين ڏوھاري آھيو.

وَيْلٌۭ يَوْمَئِذٍۢ لِّلْمُكَذِّبِينَ ۝٤۷

اُن ڏينھن ڪوڙ ڀائيندڙن لاءِ خرابي آھي.

وَإِذَا قِيلَ لَهُمُ ٱرْكَعُوا۟ لَا يَرْكَعُونَ ۝٤۸

۽ جڏھن کين چئجي ته نماز پڙھو (ته) نماز نه پڙھندا آھن.

وَيْلٌۭ يَوْمَئِذٍۢ لِّلْمُكَذِّبِينَ ۝٤۹

اُن ڏينھن ڪوڙ ڀائيندڙن لاءِ خرابي آھي.

فَبِأَىِّ حَدِيثٍۭ بَعْدَهُۥ يُؤْمِنُونَ ۝٥۰

پوءِ اُن (قرآن) کانپوءِ ڪھڙي ڳالھ تي ويساھ رکندا.